სარეზერვო ასლები, ვერსიები და საიტის ექსპორტი

შეცდომისგან არავინ არის დაზღვეული, ამიტომ Buildo საიტის ასლებს რამდენიმე დონეზე ინახავს. ყველაფერი იმართება დეშბორდის განყოფილებაში ასლები და ისტორია.

ავტომატური ასლები

გამოქვეყნებულ საიტებზე სისტემა დღეში ერთხელ ავტომატურ სარეზერვო ასლს ქმნის. რამდენი ასლი ინახება, ტარიფზეა დამოკიდებული — ლიმიტის მიღწევისას ყველაზე ძველი ასლი იშლება.

ასლის შექმნა ხელით

დიდი ცვლილების წინ (მაგ. დიზაინის შეცვლამდე) შექმენით ასლი ხელით:

1. დააჭირეთ „ასლის შექმნას“.
2. მიეცით სახელი, მაგ. „დიზაინის შეცვლამდე“.
3. დატოვეთ მონიშნული „პროდუქტების კატალოგის ჩათვლით“, თუ გსურთ, პროდუქტებიც შეინახოს.

აღდგენა

1. ასლების სიაში აირჩიეთ ასლი და დააჭირეთ „აღდგენას“.
2. აღდგენამდე სისტემა მიმდინარე მდგომარეობის ასლს ავტომატურად ქმნის („აღდგენამდე“) — ასე, საჭიროების შემთხვევაში, უკან დაბრუნებაც შეგიძლიათ.
3. აღდგენის შემდეგ საიტი გამოაქვეყნეთ, რომ ცვლილებები სტუმრებსაც გამოუჩნდეთ.

გვერდების ვერსიების ისტორია

ბილდერი ცვლილებებს ავტომატურად ინახავს და თითოეულ გვერდს ვერსიების ისტორია აქვს. „გვერდის ვერსიების ისტორიიდან“ (ან ბილდერის „ვერსიების ისტორიიდან“) აირჩიეთ ვერსია და დააჭირეთ „ვერსიის აღდგენას“ — ვერსია დრაფტად აღდგება და საიტზე მხოლოდ გამოქვეყნების შემდეგ აისახება.

ექსპორტი და იმპორტი

• ექსპორტი (JSON) — ჩამოტვირთავთ საიტის სრულ ასლს: გვერდებს, დიზაინს, პარამეტრებს და, სურვილისამებრ, პროდუქტებს. თქვენი საიტი და მონაცემები თქვენია.
• საიტის იმპორტი — ექსპორტირებული ფაილიდან ქმნით ახალ საიტს ახალი სახელითა და მისამართით. მოსახერხებელია, მაგალითად, საიტის ასლის სატესტოდ გასაკეთებლად.