გუნდის წევრები და როლები

საიტზე მუშაობა მარტო არ გიწევთ: მოიწვიეთ კოლეგები და თითოეულს მიეცით ზუსტად ის უფლებები, რაც სჭირდება. გუნდს მართავთ დეშბორდის განყოფილებაში გუნდი. გუნდის წევრების რაოდენობა ტარიფზეა დამოკიდებული.

წევრის მოწვევა

1. დააჭირეთ „წევრის მოწვევას“ და შეიყვანეთ ელფოსტა.
2. აირჩიეთ როლი (იხ. ქვემოთ).
3. საჭიროების შემთხვევაში მონიშნეთ „წვდომა მხოლოდ არჩეულ საიტებზე“ და აირჩიეთ საიტები — სხვა საიტებს წევრი ვერ დაინახავს.
4. დააჭირეთ „მოწვევის გაგზავნას“. მოწვევის ბმული 7 დღე მოქმედებს; „მოლოდინში მყოფი მოწვევების“ სიიდან შეგიძლიათ ხელახლა გაგზავნოთ ან გააუქმოთ.

როლები

• მფლობელი — ყველაფერი, მათ შორის ტარიფი და გადახდები. ორგანიზაციას ერთი მფლობელი ჰყავს.
• ადმინისტრატორი — ყველაფერი, გარდა ტარიფისა და ბილინგის მართვისა.
• მენეჯერი — ყოველდღიური საქმე: შეკვეთები, პროდუქტები, მომხმარებლები, მიწოდება და კუპონები, ჯავშნები, ანალიტიკა, მედია და ფორმებიდან შემოსული შეტყობინებები. საიტის დიზაინს და გამოქვეყნებას ვერ შეცვლის.
• რედაქტორი — გვერდებისა და კონტენტის რედაქტირება ბილდერში, მედია, პროდუქტები და შეტყობინებების ნახვა. საიტს ვერ გამოაქვეყნებს — ცვლილებებს აქვეყნებს მფლობელი ან ადმინისტრატორი.

თითოეული როლის ზუსტი უფლებების სია ჩანს ბლოკში „როლები და უფლებები“.

წევრის როლის შეცვლა და წაშლა

წევრების სიაში დააჭირეთ „რედაქტირებას“ — შეცვლით როლს ან საიტებზე წვდომას. „წაშლა“ წევრს ორგანიზაციიდან მაშინვე აშორებს; მისი შექმნილი კონტენტი უცვლელი რჩება.

მფლობელობის გადაცემა

თუ ბიზნესს სხვა ადამიანი იბარებს, მფლობელს შეუძლია წევრის გვერდით დააჭიროს „მფლობელად“ და დაადასტუროს „მფლობელობის გადაცემა“.

სააგენტოებისთვის

თუ კლიენტებისთვის ქმნით საიტებს, იხილეთ სააგენტოს განყოფილება: კლიენტების ორგანიზაციები, საიტების გადაცემა და White Label (სააგენტოს ტარიფზე).